ჰიმნოგრაფიული კრებულის წინამდებარე II ტომში წარმოდგენილია წმ. გიორგი მთაწმინდელის რედაქციის პარაკლიტონის  დასდებლები. მათ ახლავს სანოტო დანართი, რომელიც შედგენილია წმ. ფილიმონ მგალობლის (ქორიძე), წმ. ექვთიმე აღმსარებლის (კერესელიძე) და დეკანოზ რაჟდენ ხუნდაძის ხელნაწერების მიხედვით. გამოცემა ორი ნაწილისგან შედგება: პირველი ნაწილი წარმოადგენს  დასდებლების მეცნიერულად დადგენილ კრიტიკულ ტექსტს, რომელსაც დართული აქვს სხვადასხვა ხელნაწერში ასახული ვარიანტების ჩვენება სქოლიოების სახით; მეორე ნაწილში განთავსებულია სანოტო დანართი, რომელიც მგალობლებს საშუალებას მისცემს მწუხრის მსახურებაზე  დასდებლები გალობით აღავლინონ. ასევე, სრული სახით ვაქვეყნებთ  ფსალმუნის ტექსტს თავისი მცირე ზომის ჩასართავებით. ჩასართავები წმ. გიორგი მთაწმინდელის რედაქციის ჟამნის მიხედვითაა დამოწმებული.  დასდებლების დიდი მოცულობის გამო ჰიმნოგრაფიული კრებულის II ტომი მხოლოდ პირველი ორი ხმის მასალას მოიცავს, ხოლო დანარჩენი ხმების მასალა ჰიმნოგრაფიული კრებულის შემდეგ ტომებში გამოიცემა. ნაშრომი განკუთვნილია ფილოლოგებისთვის, მგალობლებისთვის, მედავითნეებისთვის, ლიტურგიკის სპეციალისტებისთვის და საეკლესიო ჰიმნოგრაფიით დაინტერესებული საზოგადოებისთვის.